Dakop na an duwang lalaki huli sa suboot paglugos sa mga menor de edad sa magkasuhay na insidente sa Bukidnon asin North Cotabato.
Sarong 41 anyos na paraoma an arestado huli sa paglugos sa saiyang sadiring 17 anyos na aking babae sa Kibawe, Bukidnon.
Sa report kan Police Regional Office-Northern Mindanao (PRO-10), nadakop an akusado basado sa warrant sa duwang kaso nin panglulugos asin duwang bilang nin sexual assault.
Pinahimutikan kan korte an piyansa kan akusado sa kasong rape, alagad pinagbotan ining magpiansang P100,000 kada saro para sa duwang kasong sexual assault.
Segun sa pulis, hinalay suboot kan akusado an biktima kan banggi kan Marso asin Mayo ngonian na taon.
Dugang pa kan pulis, enot na nagsilensyo an biktima huli ta pinatanidan suboot ini kan saiyang ama, alagad dae naghaloy, ipinaabot kaini sa saiyang ina an pangyayari.
Mientrastanto, inarestar kan Criminal Investigation and Detection Group (CIDG) an sarong 32-anyos na lalaki huli sa suboot paglugos sa saiyang tugang na babae sa Libungan, North Cotabato.
Segun sa CIDG, inarestar an akusado sa kaso nin statutory rape.
Sinabi pa kan CIDG na piglupigan suboot kan akusado an saiyang menor de edad na bayaw na ngonian 16 anyos na poon pa kan 2020 sa saindang harong, na kataid sana kan harong kan biktima.
An huring insidente suboot an nangyari kan Marso 13, 2024.
An biktima natakot na magsumbong kan pangyayari, alagad sinabi niya sa saiyang ina an ginibo saiya kan akusado huli ta dai na kaini matios, asin huli sa kulog asin trauma.
