LEGAZPI CITY – Dakop kan mga otoridad an duwang katawo makalihis na makuwaan nin badil sa Brgy. Nursery, syudad kan Masbate.
Sa nagunong impormasyon, nasambitan na inireport kan sarong concerned citizen an mga suspek na sinda Raquel Marcos, 48 anyos asin Antonio Dugan, 23 anyos na parehong residente kan Brgy. Pating, Masbate City.
Sa pinagsarong pwersa kan Masbate City Police Station, Regional Intelligence Division asin Masbate Provincial Public Safety Company, nakumpiska sa mga suspek an sarong kalibre 45 pistol “shooters” na may sarong magazine asin 8 bala asin kalibre 45 pistol “ARMSCOR” na may 9 na bala.
Sa presente, nasa kustodiya na kan Masbate CPS an mga suspek mantang pighahanda na an kasong pagbalgar sa Republic Act 10591 oa an Illegal Possession of Firearms.
