LEGAZPI CITY—Arestado an duwang joven na kabale sa mga Most Wanted Persons sa ikinundusir na magkasunod na operasyon kan mga otoridad sa Barangay Villa-Inocencio, Placer, Masbate.
Binisto an mga naarestar na akusado na sinda alyas “Oliver”, lalaki, 19-anyos; asin si alyas “Bryan”, lalaki, 20-anyos, sarong laborer, asin pararehong residente kan nasabing lugar.
Naarestar an mga ini sa parehong kaso nin Attempted Homicide na warang pigrerekomendang piyansa para sa saindang temporamenteng libertad.
Sa presente, nasa kustodiya na kan Placer Municipal Police Station an mga suspek para sa magkakanigong disposisyon asin tamang disposisyon.
