Duwang BU graduates, nakua an ika-tulo asin ika-apat na pwesto sa 2017 Mining Engineer Licensure Examination

LEGAZPI CITY – Duwang graduate nanaman kan Bicol University an nadugang sa listahan kan mga nagtao nin orgulyo sa unibersidad.
Ini makalihis na makua kan duwang Engineering graduates an ika-tulo asin ika-apat na pwesto sa kakatapos pa sanang 2017 Mining Engineer Licensure Examination.
Nabisto an mga ini na sinda Gelaine Chavez Cabria na nakua an top 3 spot na igwang 89.55 percent na rating asin Josef Jadway Valencia Cao na nagtapos sa ika-apat na pwesto na igwang 89.50 percent na rating.
Mientrastanto, nakua man kan estudyante kan Cebu Institute of Technology na si Pompeii Nikolai Montealegre an pinakahalangkaw na pwesto sa nasambitan na esksaminasyon na nakakua nin 90.90 percent na rating.