LEGAZPI CITY – Nadiskubre kan mga otoridad sa maawot na lugar harani sa pinangyarihan kan magkasunod na pagsabog sa main campus kan Bicol University, an duwang basyo kan M203 grenade launcher na pwede suboot na ginamit sa nasabing insidente.
Susog ini sa imbestigasyon kan mga miyembro kan PNP-EOD alagad dae pa maaraman an motibo asin an pagkakabisto kan mga nasa likod kan pagpapasabog sa laog kan unibersidad.
Mas hinigotan man an seguridad sa nasabing institusyon magin sa mga pagtaraid kaining establisyemento.
Pigtutukan man kan PNP Bicol an kada anggulo ngani maaraman an motibo asin pagkakabisto kan mga suspek.
Padagos pang nakikipag-coordinar an kapulisan sa mga residente na harani sa lugar.
