LEGAZPI CITY—Nagin ‘generally peaceful’ an isinagibong duwang aldaw na transport strike sa provincia kan Albay na ginibo puon kan Huwebes, Marso 19 antes Biyernes, Marso 20, susog sa mga otoridad.
Segun ki Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi, nagin matoninong an nagin rally asin naipaluwas an saindang mga pangapudan sa protesta asin naalalayan kan mga kapulisan an ginibong mga aktibidad.
Nag-deploy sinda nin labi 1,000 personnel sa manlain-laing lugar puon kan nagpuon an transport strike kan Huwebes, Marso 19.
Dugang niya na igwa man sindang inihanda na contigency plan en kaso magkaigwa nin dae piglalaomang insidente magin man an pagtao ninda nin libreng sakay an para sa publiko.
Segun sa opisyal na wara man sindang nairehistrong anuman na untoward incident sa nakalihis na duwang aldaw na transport strike sa provincia.
