Gibo suboot kan aswang an misteryosong pagkawara kan duwang aki sa Sitio Mangga, Barangay Badiangon, President Roxas, Capiz.
Sa intrevista kan Bombo Radyo Roxas kay Mayor Receliste Escolin, sinabi kaini na an duwang aking lalaki na may edad anom asin walo, an nagpaaram na makarigus sa salog, alagad dae na ini nakauli.
Segun kay Escolin, nataranta an saindang mga magurang asin naghagad nin tabang sa mga opisyal asin pulis.
Makalihis an mahigot na paghanap, nakuwa an mga aki sa sarong maawot na lugar, pilay asin pagal na marhay.
Nabuhay liwat kan pangyayari an mga orolay asin katakutan kan nagkapirang residentes dapit sa pigtutubudang “aswang” na haloy nang parte kan alamat sa Capiz.
Padagos man an imbestigasyon kan mga otoridad nganing maaraman kun ano an tunay na kawsa kan pagkawara kan mga aki.
