LEGAZPI CITY – Nagsakat na sa 1, 511 an panibagong kaso kan COVID-19 sa Bicol makalihis an duwa sanang nadugang.
Huli digdi, nasa 544 naman an aktibong kaso.
Hali an duwang panibagong nagpositibo sa Camarines Sur, partikular na sa banwaan kan Pili asin ciudad kan Naga.
Wara man na panibagong kasong nairehistro sa mga provincia kan Albay, Masbate, Sorsogon, Catanduanes asin Camarines Norte.
Nasa 27 man an naireport sa mga bagong recoveries kun sain 25 an hali sa Albay asin duwa sa CamSur, rason tangarig na magsakat na sa 915 an kabilugang datos.
Saro man an binawian nin buhay hali sa Sorsogon kun kaya nasa 52 na an total COVID-19 deaths sa Bicol.
