LEGAZPI CITY — Nagresulta sa pagkagadan kan sarong durugista an ikinondusir na buy-bust operation kan mga personahes kan Philippine National Police (PNP) sa probinsya kan Albay.
Isinagibo an operasyon kan pinag-sarong pwersa kan Ligao City Police, Police Intelligence Branch, Bicol Regional Public Safety Batallion asin Albay Provincial Public Safety Company sa Barangay Bintagan, syudad kan Ligao laban sa suspek na si Relan Sigfred Suruiz na residente kan Barangay Paulog kan parehong syudad.
Makalihis an transaksyon sa pagultanan kan suspek asin kan nagpanggap na buyer, binalo na kan mga operatiba na dakupon ini.
Alagad kan manotarang pulis an saiyang naging katransaksyon, digdi na nagbulnot nin badil an suspek asin nagbalong magpaputok.
Marekas mang naagapan kan mga pulis an sitwasyon asin nabadil si Suruiz na naging resulta kan pagkagadan kaini.
