LEGAZPI CITY- (Update) Kinumpirmar kan liderato kan 903rd Infantry Brigade kan Philippine Army na nagpadara na man nin dugang tropa makalihis an nangyaring engkwentro sa pagultanan kan mga militar asin pigtutubudang miembro kan New People’s Army (NPA) sa boundary kan Brgy R. Gerona asin Brgy. Recto, Bulan, Sorsogon.
Magigirumduman na kaibanan sa nasabing insidente an duwang miembro kan pigtutubudang NPA na dae pa man madeterminaran an pagkakabisto hasta sa presente.
Sa ekslusibong intrevista kan Bombo Radyo Legazpi ki 903rd IB commanding officer B/Gen. Greg Almerol, dagos-dagos naman an ipigsasagibong combat operation asin paggalugad sa pinangyarihan kan insidente.
Pambubulabog sana man suboot sa peace and order situation kan provincia an nangyari alagad pinahigot na man an direktiba sa mga personahe sa tactical offensive.
Nagtutubod naman an opisyal na “off-shoot” an lakdang kan ibong na lado sa dae kinagat na pagbabalik sa peace talks mantang kumpiyansa si Almerol na warang ma-materialize na plano sa Bicol sa pigsasabing “Red October plot” katakod kan honestong pagtatrabaho para sa mga kahimanwa.
