LEGAZPI CITY — (Update) Gigibuhan na nin paagi kan Department of Public Works and Highways (DPWH) tangarig dae na mautro pa an nangyaring aksidente sa Barangay San Jose, Libon, Albay kun sain nahulog sa ampas an sarong jeep na guminadan sa 10 katawo.
Sa intrevista kan Bombo Radyo Legazpi ki Lucy Castañeda, tagapagtaram kan DPWH Bicol, sinabi kaini na haloy nang plano na makaganan nin concrete guard rails an mga tinampo sa nasabing banwaan.
Patotoo digdi, nag-request suboot an 3rd District Engineering Office para digdi alagad nagkaproblema sa pag-release kan pondo.
Sa ngonian tangarig ma-preventaran an siring na aksidente, plano munang pakaganan nin signages an mga tinampo.
Segun pa ki Castañeda, pigpasumiter man an Albay District Office nin report sa regional office tangarig maaraman an detalyes kan aksidente.
