LEGAZPI CITY- Inapod kan sarong grupo nin mga paratukdo na band aid solution sana an paggamit nin transparent bags kan mga estudyante ngani na mapreventaran an kadahasan sa mga eskwelahan.
Segun ki Act Teachers Bicol Union President Roque Lamadrid sa intrevista kan Bombo Radyo Legazpi na dae kaini mareresolberan an pinaka ugat kan problema kan mga kajovenesan.
Paliwanag kan opisyal na kinakaipuhan na aramon an problema kun nata nagkakaigwa nin kultura nin kadahasan siring kan background sa harong huli ta saro ining orolay na sikolohikal.
Katakod kaini, ipinangapudan kan opisyal sa gobierno an pagtatao nin mas dakulang pondo sa sektor kan edukasyon asin pag-hire nin mas dakol na guidance councelors.
Dagdag pa ni Lamadrid na dapat man na pakusugon an pagtatarabangan kan mga magurang, paratukdo, lokal na gobierno asin kan gobierno.
Kinakaipuhan suboot na mabago an isipan kan mga joven asin maitanom an bastanteng disiplina sa mga ini.
