LEGAZPI CITY – Nagsumiter na nin resolusyon an Bicol Inter-Agency Task Force na hagad an tabang kan pulisya sa pagpapakusog kan pagbabantay sa Tabugon-Del Gallego border.
Kasunod ini kan mga report kan mga naglulusot sa border na dai nag-agi sa tamang proseso asin warang magkakanigong dokumento na ipigpi-presentar.
Sa intrevista kan Bombo Radyo Legazpi ki Bicol IATF chairman asin DILG Bicol Regional Director Anthony Nuyda, naireport naman sainda an mga siring na insidente kun kaya nagpadugang nin personage sa boundary kan Bicol asin Quezon province.
Nagkaigwa kaya suboot nin paghalwag sa travel policy kasabay kan pag-relax man kan community quarantine sa rehiyon alagad huli sa paghihigot sa NCR Plus Bubble, kaipuhan man na mataparan an mabantay.
May limitasyon an PNP sa pagcheck kun kaya hinagad an tabang kan Land Transportation Office asin Land Transportation, Franchising and Regulatory Board (LTFRB).
Paglilinaw man kan Bicol IATF na magtetenir man an leeway sa mga nagbibiyahe nin essentials partikular na an food and services.
Alagad pangapudan man giraray an pagsunod sa health protocols.
