LEGAZPI CITY—Ipigdoon kan sarong grupo nin mga tsuper na dae magigin bastante an dugang na P12 na fuel discount huli man giraray kan nagpapadagos na paglangkaw sa presyo kan mga produktong petrolyo.
Segun ki Legazpi-Daraga Jeepney Operators and Drivers Association (LEGDAJODA) President Edison Briones, sa intrevista kan Bombo Radyo Legazpi, na mantang may maitatabang an nasabing diskwento alagad dae ni magigin bastante para sa saindang sektor.
Sa presente an pighahagad ninda an maaprubaran an taas-pamasahe.
Pagdoon niya na an taas-pamasahe an magigin panabla sana nawawarang ganansya huli sa paglangkaw kan presyo nin krudo.
Katakod kaini nangangapudan an grupo na aprubaran na taas-pamasahe asin pagdoon niya na bako man labi an saindang pighahagad na singil huli sa aram ninda na an madidifisilan kaini an mga commuters.
