Inaprubaran na kan Department of Budget and Management an pagpapaluwas kan P758.459 million na pondo para sa dugang na allowance kan mga poll workers na nagserbi sa nakalihis na eleksyon.
Ini an para sa dugang na P1,000 na across-the-board honoraria para sa mga paratukdo o electoral board.
An nasabing kantidad an afuera pa sa P2,000 na kompensasyon na enot na inaprubaran kan ahensya sa irarom kan 2025 General Appropriations Act.
Segun sa ahensya na paagi ini ngani na makapagpaabot nin pasasalamat sa mga paratukdo na nagtrabaho ngani na masierto na naprotehiran an boto kan mga namamanwaan sa nakalihis na pirilian.
Marurumduman na pigkakarkulong nasa 758,549 an mga poll workers na nagserbi sa nakalihis na eleksyon.
