Magigin P12 na kada litro ang bawas para sa mga tsuper kan jeepney asin UV Express puon Agosto 15, alinsunod ini sa orden ni Presidente Ferdinand Marcos Jr. na dugangan an discount sa petrolyo para sa sektor ng transportasyon.
Segun ki Executive Secretary Ralph Recto, pag napaotob na ini, maabot sa P1,800 kada semana an mapapakinabangan ng mga drivers.
Ini an dugang na inisyal na P10 na discount kada litro na pinuonan kan Abril, na nakatabang na sa labi 93,000 PUV drivers.
Napagdesisyunan ini sa sarong meeting na pinangenotan ni Executive Secretary Recto, kaiba an mga kalihim kan gabinete, kan Agosto 4 sa Malacañang.
Pinag-olayan sa meeting ang padagos na pagpapatibay kan mga lakdang kan nganing protehiran an ekonomiya, pugulan an paglangkaw kan presyo, asin masierto an suporta para sa mga sektor na naapektaran kan tensyon sa Gitnang Silangan.
Afuera digdi, sinigo ni Recto ang DSWD na siertohon maabot an UPLIFT assistance sa mga nangangaipuihang sektor, kabale an mga paraooma, parasisira, mga obrero sa transportasyon asin konstruksyon, asin iba pang obrerong mababa an ganansya.
Enot nang tinawan-duon ni Presidente Marcos an promesa kan gobierno na suportaran an mga pinakaapektado kan pankinabang agyat sa ekonomiya.
