Pigsyerto kan Palasyo an pagtatao nin ‘due process’ sa PrimeWater sa tahaw kan imbestigasyon sa mga reklamo katakod kan suboot bako maayos na serbisyo kan kompanya sa pirang parte kan nacion.
Sinabi ni Palace Press Officer Usec. Claire Castro na padagos an imbestigasyon kan Local Water Utilities Administration (LWUA) mapadapit sa mga reklamo, asin anumang suporta hale sa manlain-laing sektor an ipigkokonsiderang patunay na seryoso an administrasyon sa pagtugon sa isyu.
Ginibo ni Castro an pahayag kasunod kan pormal na reklamong isinunad kan grupong Bayan Muna na nangapodang ipawarang-bisa an gabos na joint venture agreements (JVA) kan PrimeWater sa mga local water districts.
Sa hapot kan media kun bukas an Palasyo sa pangapodang ini, ipigdoon ni Castro na an Presidente asin an administrasyon an nagtutubod sa ‘due process’ asin kontra suboot siya sa ideyang ‘cut the process.’
Segun pa kay Castro, pigkakarkulong nasa 16 milyong katawo an apektado kan suboot palpak na serbisyo kan PrimeWater, rason nganing tulos ining aksyunan.
Siring man, ipigdoon ni Castro na dae pwedesir basta-basta magluwas nin desisyon nin warang bastanteng basehan.
