LEGAZPI CITY-Naglansar an Department of Trade and Industry (DTI) kan Youth Enterprise Fund ngani matabangan an mga jovenes na nasa edad 18 sagkod 30 na makapoon nin sadiring negosyo.
An kwalipikadong mga aplikante posibleng mangutang poon ₱30,000 sagkod ₱500,000, na babayadan sa laog nin sagkod sa tulong taon.
Pwedisir pa sindang magkaigwa nin sagkod sa 12 bulan na kita bago sinda magpoon na magbayad.
Segun ki Trade Secretary Cristina Roque, katuyuhan kan nasabing programa na mahale an mga financial barriers ngani na ma-realisar kan mga jovenes an saindang mga ideya sa negosyo asin makamukna nin mas dakol na trabaho sa saindang mga komunidad.
Pinasimple man kan ahensya an proseso kan aplikasyon, kun sain kaipuhan iyo an sarong balidong ID, permit nin alkalde, bank account, business plan, asin mga dokumento sa pagrehistro nin negosyo.
Mapoon an aplikasyon sa nasambitang programa sa Hulyo 27.
Apwera sa mga pautang, an DTI nagtatao man nin kapangyarihan sa mga micro, small, asin medium enterprises (MSMEs) sa paagi nin iba pang mga programa na makakatabang sainda na mapakarhay an saindang mga negosyo, makalaog sa global market asin mapalangkaw an saindang kakayahan sa pakikipagkumpetensya.
