LEGAZPI CITY – Nanindugan an Department of Trade and Industry Bicol na warang paghiro sa presyo kan mga babarakalon sa rehiyon kasunod kan nangyaring tensyon sa Middle East.
Segun ki Deparment of Trade and Inductry (DTI) Region 5 Consumer Protection and Division Chief Ruben Sombon sa intrevista kan Bombo Radyo Legazpi na nagtetenir na warang paghiro sa presyo kan mga pangenot na babarakalon sa rehiyon sa nakalihis na mga aldaw.
Ini an sa ibong kan pighihiling kan mga nagkapirang ekonomista na magkakaigwa nin dakulang epekto sa presyo kan produktong petrolyo an nangyayaring kariribukan sa middle east.
Na-obserbaran man niya an nangyaring bigtime oil price hike na posibleng magkawsa nin chain reaction sa mga babarakalon sa kabikolan.
Pigtaram pa kan opisyal na wara man sindang pig-iimport na mga raw material sa mga nacion kan Iran asin Israel.
Pagdoon niya man na wara dapat na ikahandal an mga konsyumer huli ta naka-antabay man sinda sa anoman na paghiro kan mga presyo kan babarakalon sa merkado.
nagkaigwa suboot na mga prudokto na naghiro kun sain nagbugtak nin mga presyong mas hibaba pa sa suggested retail price arug kan delata, gatas, asin kape.
Sa presente, pigdoon ni Sombon wara pa sindang nareresibi na complaint asin petition mapadapit sa dagdag presyo sa mga produkto hale sa mga supermarket stakeholders.
