Legazpi City- Nagpagirumdom an Department of Trade and Industry Bicol (DTI) sa publiko maungod sa mga pagbakal nin manlalain-laing produkto online katakod man kan pagselebrar kan consumer welfare month.
Segun kay Noel Bunao, an Provincial Director kan DTI Albay sa intrevista kan Bombo Radyo Legazpi na nagdadakol an mga complaint na saindang nareresibi manungod sa mga pagbakal nin mga produkto online.
Pigsabi pa kaini na warang kasiguraduhan suboot kun safe asin ligtas na gamiton o kaunon an ibang produktong pigbabakal online lalo na kun bako man suboot ini lehitimong bakalan.
Pigtaram man kaini na pilion an produktong babakalon asin ilingon kun nag-agi an mga ini sa mahigot na proseso nganing masiguro an kaligtasan kan consumer.
Segun pa kay Bunao na nasa digital age na suboot an panahon ngunyan asin mas dakol na an mga transaction online kun kaya nagdadakol man suboot an naglalatawan na mga online store.
Pig-enganyar kaini an consumer na magbakal sa mga lehitimong platform nin huli ta pwede nindang tulos na matawan complaint kun sakaling nakabakal ki produktong may depekto o problema.
Nagpatanid man ini sa publiko na pilion na magbakal sa mga lehitimong online platform nganing madali sana suboot magtao ning complaint letter sa mga tagsadiri kaini asin malikayan an mga siring kaining insidente.
