LEGAZPI CITY- Nakabantay man ngunyan an Department of Trade and Industry Albay sa presyuhan kan mga produkto na patok para sa Valentine’s Day.
Marurumduman na komon kaya na naglalangkaw an presyo kan nagkapirang mga produkto tuyong halangkaw an demand.
Segun ki DTI Albay Provincial Director Noel Bunao sa intrevista kan Bombo Radyo Legazpi na dae kaibanan sa basic commodities an mga kandila, burak asin tsokolate alagad pinag-aabisuhan an mga konsumidores na magbakal na susog sa saindang kakayanan.
Sa presente sinabi kan opisyal na wara man sindang nareresibe na mga reklamo hali sa konsumidores.
Segun ki Bunao na dakol na mga paagi ngani na iselebrar an aldaw nin mga puso asin mas marhay na gibuhon ini nin simple sana alagad may pagkamuot.
Paliwanag kan opisyal na importante na masabutan an tunay na importansya kan okasyon, iyo an pagpapamati kan pagkamuot sa mga padangat sa buhay.
