LEGAZPI CITY — Nagin obheto kan pagbisita ni Department of Social Welfare and Development (DSWD) Secretary Judy Taguiwalo sa Bicol Region an mahiling an presenteng kondisyon kan mga benipisyaryo kan emergency shelter assistance katakod kan nagin panrarapado kan bagyong Nina kan nakalihis na taon.
Segun ki DSWD Bicol Regional Director Arnel Garcia, an mga ini an napaabutan na man kan promesa kan gobyerno na cash asisstance alagad bako suboot gabos na 30,000 na apektadong pamilya an napaabutan na kan tabang huli ta kulang pa an pondo na naipadara sa ahensya.
Segun sa opisyal, P 3.3 billion an nakatagama para sa mga biktima kan bagyo alagad P500 million pa sana an naresibe kan ahensya na naipanao sa mga totally damaged an kaharungan.
Sa presente pighahalat pa suboot an dugang na pondo hali sa Department of Budget and Management o DBM.
Mientrastanto, dugang pa ni Garcia na pig-omaw man kan sekretarya an DSWD Bicol huli sa outstanding na performance kaini kasabay nkan pagtatao nin pasasalamat sa mga tawong nasa likod kan saindang magayon na serbisyo.
