Pupuunan na kan Department of Social Welfare and Development (DSWD) sa Marso 17 an pagbabarewas nin P5,000 na cash assistance sa mga public utility vehicle (PUV) drivers na apektado kan paglangkaw nin presyo kan petrolyo.
Segun sa ahensya na enot na makakaresibe nin payouts an mga tricycle drivers sa Metro Manila.
Nasa 139,000 kan mga tricycle drivers sa National Capital Region an makikinabang sa inisyal na rollout kan gobierno.
An nasabing pondo an hali sa Assistance to Individuals in Crisis Situation (AICS) program kan DSWD.
Paliwanag ni DSWD spokesperson Assistant Secretary Irene Dumlaon, pigkokunsiderar ninda an mga drivers bilang indibidwal na nahahampang sa economic distress huli sa padagos na paglangkaw kan presyo kan produktong petrolyo.
