LEGAZPI CITY — Maduong pinahimutikan kan pamayo kan Department of Social Welfare and Development (DSWD) na pig-obliga an mga benipisyaryo kan Pantawid Pamilyang Pilipino Program o 4Ps na mag-atendir sa nangyaring syncronized barangay assembly.
Sa intrevista kan Bombo Radyo Legazpi ki DSWD Bicol Regional Director Arnel Garcia, pighayag kaini na posibleng inoblega sana an nasambitan na 4ps members bilang residente kan barangay asin bako bilang miyembro kan pantawi.
Pignegaran kan opisyal na sasalinan nin P500 an saindang makukuwa kun dae naka atendir sa nasambitan na assembly.
Inapod man kaining sarong kalokohan an siring na polisiya.
Pigduon ni garcia na an kondisyon sana na itinao kan ahensya iyo an sa salud kan mga aki, edukasyon, asin an Family Development Session asin warang ipigdugang na kondisyon.
Mientrastanto, pigpayuhan kaini an publiko na dae matakot na dae mag-atendir sa anuman na aktibidad kasabay kan pigtataram kan nagkapira na sasalinan an saindang mareresibe na asistensya huli ta dae nagsasagibo nin kapabayaan an ahensya.
Dugang pa kaini na ipaabot sana sa saindang opisina an anuman na korapsyon sa saindang lugar.
