LEGAZPI CITY-Kinondina kan mga drug war victims an alegasyon na hale sa kaban kan gobierno asin pinondohan kan mga komunistang rebelde an pagbiyahe ninda sa The Neherlands ngani mag-atendir sa ‘confirmation of charges hearing’ ni dating Presidente Rodrigo Duterte.
Segun kay International Criminal Court (ICC) Assistant to Counsel Kristina Conti, na mga non-government organizations asin private individuals na nagsusuporta sa ley an nagtabang sa mga biktima ngani maka-biyahe.
Giit pa kaini na warang anumang kwarta hale sa namamanwaan para pondohon an mga bikitma.
Dagdag pa niya na kadakol na nagsusuporta sa sainda huli ta sinda an nagin mga biktima asin naghahanap nin hustisya.
Inagyat man kaini an mga nagpaparatang na patunayan kun sisay an nag-aakusar kan nasabing mga alegasyon.
