LEGAZPI CITY-Ikinaugma kan mga pamilya kan drug war victims na igwa sindang kinatawan sa International Criminal Court (ICC).
Kasunod ini kan presentasyon kan common legal representatives kan drug war victims na si Atty. Joel Butuyan na nagpresentar sa mga hinaing asin pagdusa kan mga biktima kan madugong gera kontra droga kan panahon ni dating Presidente Rodrigo Duterte.
Sa sarong pahayag sa ICC, tinawan doon ni Atty. Neri Colmenares na namatian kan mga pamilya an kaugmahan na pigbabasahan na nin sakdal an dating Presidente sa ICC – bagay na haloy na suboot nindang pighahalat.
Kinakaipuhan suboot na ma-kumpirma an gabos na mga alegasyon asin kasong pig-aakusar laban sa dating Presidente ngani maipaluwas man kan kada pamilya an saindang saloobin, orog na an mga tutugutan na tumestigo sa pagdangog.
Segun pa kay Colmenares, na an tutol an mga pamilya sa posibleng pagbabalik pa ni Duterte sa Pilipinas kun dai makumpirma an saiyang kaso.
Dagdag pa niya na makusog an ebidensiyang iprinisentar kan Office of the Prosecutor mantang dai nagibo kan depensa na magpaluwas nin bastanteng mga pahayag.
