LEGAZPI CITY- (Update) Kinumpirmar kan Philippine Drug Enforcement Agency (PDEA) Bicol na bako basta-bastang grupo an nasakote sa nagin operasyon kasubagong maagahon sa laog kan sarong tourist inn sa Brgy. Maroroy, Daraga, Albay.
Sa ekslusibong intrevista kan Bombo Radyo Legazpi ki PDEA Bicol Director Christian Frivaldo, napag-aramang bagong grupo nin illegal drug supplier an naarestar kaibanan sinda Lorraine Santiago, 28-anyos asin Elmeph Conciado, 37-anyos na hale pang Antipolo City.
Ini an pigtutubudang nagsusuplay sa mga banwaan kan Guinobatan, Daraga, Camalig, mga ciudad kan Tabaco, Legazpi asin Naga siring man sa National Capital Region asin Southern Tagalog Region.
Mientras tanto, balik-kulungan man si Marlon Fernandez alyas “Bok Fernandez”, 40-anyos kan Brgy. Iraya, Guinobatan, Albay na napag-aramang kakaluwas pa sana sa karsel kan taong 2016 makalihis na makulong kan 2002 sa possession of illegal drugs.
Sa suway na kwarto kan Neuhaus Inn, tolong iba pa an dinakop kun saen narekober man an kabilugang P1.84-milyon na kantidad kan pigtutubudang shabu.
