LEGAZPI CITY—Naarestar kan mga otoridad an sarong street-level drug personality sa kinundusir na pinagsarong operasyon kan Tabaco City Police Station, Albay Maritime Police Station, asin Philippine Drug Enforcement Agency Regional Office V sa Purok 6, Barangay Cabagñan, Tabaco City.
An suspetsado minidbid sa alyas “Boss,” asin nakumpiskar saiya an 19 na heat-sealed transparent plastic sachets na may laog nin pinagtutubudang shabu asin may kantidad na P333,880.00, magin an sarong transparent plastic sachet na may laog nin pinamarang dahon nin marijuana na may kantidad na P183.60.
Afuera digdi, nakumpiskar man sa suspetsado an sarong caliber .45 pistol na may tatak na “COLT MK IV” asin serial number na 222452.
An badil may kaibang magasin na may laog nin pitong bala nin live ammunition.
Sa presente, nasa kustodiya na kan Tabaco City Police Station an suspetsado para sa magkakanigong disposisyon asin mahahampang sa kasong pagbalgar sa Republic Act 9165 o an Comprehensive Dangerous Drugs Act of 2002.
