LEGAZPI CITY—Boluntad na nagsurender na sa mga kapulisan an suspetsado na nakabangga sa sarong babae na binawian nin buhay sa parte kan Barangay Bigaa, Legazpi City kan Miyerkules, Hulyo 30, 2025.
Ini kun saen na-hit and run an biktima asin nagresulta sa pagkaputol kan saiyang toong bitis makalihis na makasampa sa mapanas na steel sa gilid kan tinampo kan naunambitang barangay.
Segun ki Legazpi City Police Station Public Information Officer Police Executive Master Sergeant Carlos Paña, sa intrevista kan Bombo Radyo Legazpi, nagkaigwa pa nin imbestigasyon an mga otoridad bago magsurender an suspetsado sa saindang kustodiya.
Binisto an suspetsado na sarong 60-anyos, lalaki, may agom, sarong laborer, asin residente kan banwaan kan Sto. Domingo, Albay.
Sa ibong kaini padagos man giraray an imbestigasyon kan mga kapulisan nganing maaraman kun an nagsurender na suspetsado an mismong imbuelto sa nangyaring aksidente.
Nakapag-olay na suboot an pamilya kan biktima asin an suspetsado asin sa presente dae pa idadagos an pagsunad nin kaso sa rason na nagmumundo pa an pamilya kan biktima.
Dugang ni Paña na dae man suboot nasa impluwensya nin arak an suspetsado kan nangyari an insidente.
Kun dae suboot na makabayad an suspetsado sa pagbayad sa danyos sa lado kan biktima pwedesir ining sunadan nin kasong reckless imprudence resulting in homicide
