Nagnegatibo sa paggamit nin ipinagbabawal na bulong asin alcohol an driver kan Solid North Bus Transit Inc. bus na nagin rason kan karambola kan mga behikulo sa Subic–Clark–Tarlac Expressway.
An insidente an nagresulta sa pagkagadan kan dae mababa sa 12 indibidwal kabale na an apat na menor de edad asin pagkaka-irido kan nasa 37 indibidwal.
Segun sa Tarlac City Police Station, nagsa-irarom an driver sa alcohol breath analyzer test asin mandatory drug testing.
Ini an bilang pagtalima sa pigpapa-otob na Anti-Drunk and Drugged Driving Act of 2013.
Sa sarong pahayag an kinumpirma ni Tarlac City Police chief Police Lieutenant Colonel Romel Santos na parehong nagnegatibo an driver sa duwang test.
Katakod kaini an sinuspinde na an operasyon kan gabos na unit kan Pangasinan Solid North Transit Inc. sa laog kan 30 araw kasunod kan malagim na insidente.
Inanunsyar man ni Transportation Secretary Vince Dizon na oobligahon na ngonian kan gobyerno an gabos na public utility vehicles drivers na sumairarom sa mandatory drug testing huli sa mga naiirehistrong road accidents sa nacion.
