LEGAZPI CITY – Pigpapaliwanag kan Land Transportation Land Transportation Office (LTO) Region 5 an driver asin operator kan kan truck na imbwelto sa madugong aksidente sa Camalig, Albay na guminadan nin 11 katawo.
Segun ki LTO Region 5 Public Assistance Office Head Czar Byron Ceas sa intrevista kan Bombo Radyo Legazpi na ipinaluwas ninda an sarong Show Cause Order nganing magpaliwanag an driver asin operator kan kan truck sa laog nin 10 aldaw kun ngata dae sinda pwedesir sunadan nin kaso.
Afuera suboot sa show cause order an pinatawan man nin 90-day Driver’s License Suspension mantang nagpapadagos an imbestigasyon mapadapit sa insidente.
Basado man sa isinumiteng report kan Camalig Municipal Police Station, pwedesir na masunadan nin Reckless Driving, Operating a vehicle with defective accessories asin Improper Person to Operate Motor Vehicles an driver kan truck na pwedesir na magresulta sa revocation kan saiyang lisensya.
Nagmamawot an opisyal na makapasiring sa saindang ofisina an driver asin operator kan imbweltong truck nganing maipaliwanag an saindang lado antes magtapos an ipigtalaang aldaw nganing mapunan na an saindang imbestigasyon.
Enkaso suboot dae makapagtao nin paliwanag an imbweltong driver asin operator sa laog nin sampulong aldaw an mabase sinda sa pisikal na ebidensya nganing makapagpaluwas nin padusa laban sa saindang duwa.
Nagpagirumdom man ni Ceas sa mga driver na syertuhong nasa maray na kamugtakan an saindang mga behikulo antes magbyahe nganing malikayan an mga siring kaining aksidente.
 Region 5 is explaining the driver and operator of the truck involved in the bloody accident in Camalig, Albay that killed 11 people.){kind=link}