LEGAZPI CITY-Sinuspindir kan Department of Public works and Highways (DPWH) an pag-apruba kan authority to travel abroad para sa saindang mga opisyal asin tauhan.
An lakdang kasunod kan pigsasagibong internal validation sa mga proyekto kan ahensya na siertuhon an integridad asin tamang paggamit kan pondo kan gobierno.
Segun sa dokumento na pirmado ni bonoan, parte ini kan mas pinahigit na transparency asin accountability measures sa tahaw kan mga isyung kinahahampang kan nagkapirang ahensya dapit sa lifestyle checks asin anomalya sa mga proyekto.
Kairiba sa regulasyon an kaipuhan kan travel authority hale sa ahensya para sa anumang opisyal na byahe sa luwas kan nacion, orog na Kun ini an igwang koneksyon sa trabako asin representasyon.
An pansamantalang suspension an piglalaoman na magtaong dalan ngani mabusisi an mga travel request asin katakod na dokumento ngani maibitaran an posibleng pag-abuso sa pribilehiyong ini.
