LEGAZPI CITY- Naghagad nin dispensa an Department of Public Works and Highways Bicol sa gabos na mga naapektaran kan road stress sa parte kan Andaya Highway sa Barangay Cabutagan, Lupi, Camarines Sur.
Marurumduman kaya na nagkaigwa nin soil erosion sa lugar na nagkawsa nin ulang sa bulos kan trapiko huli sa pigpapaotob na one lane policy.
Segun ki Department of Public Works and Highways Bicol spokesperson Lucy Castañeda na nagpadara na nin dugang na pwersa ngani na magtabang sa mga lakdang ngani na maibalik an two lanes na bulos kan trapiko.
Aminado man an opisyal na igwang delapidated portions sa lugar kaya nagkondusir sinda nin reblocking alagad biglang naggabat an bulos kan trapiko huli ta peak season ngunyan na holiday season.
Huli digdi, paramientras na ipinapundo an mga protekyo sa nasabing provincia ngani na masolusyunan an mabantol na bulos kan trapiko.
Mientras tanto, sinabi ni Castañeda na igwa ng mga pigkokunsiderar na alternate roads ngani na maagihan kan mga motorista.
