Makakaresibe nin 200 percent o double pay ang mga empleyado sa pribadong sektor na malaog sa trabaho ngonian na Disyembre 25, Aldaw nin Pasko, susog sa Department of Labor and Employment (DOLE).
Basado sa Labor Advisory No. 17 na pinirmahan ni DOLE Secretary Bienvenido Laguesma, an mga empleyadong matrabaho sa regular holiday an may direchos na magresibe nin dobleng sahod para sa enot na walong oras nin trabaho.
Dugang kan DOLE, kun malagpas sa walong oras an trabaho sa aldaw na ini, may kadugangang 30 percent nin hourly rate ang empleyado.
Kun aldaw kan Paski an nagtapat man sa rest day kan obrero, may dugang pang 30 percent sa 200 percent na basic wage. Mas halangkaw pa an bayad kun may overtime sa siring na sitwasyon.
Mientrastanto, an mga empleyadong dae malaog sa trabaho sa Disyembre 25 an maresibe man liwat nin 100 percent kan saindang sahod, basta maglaog sinda o naka-leave na may bayad sa aldaw bago an holiday.
An Disyembre 25 an ipigdeklarang regular taon-taon nganing tawan dalan an mga Pilipino na ipagselebrar an kamundagan ni Hesukristo kaiba an pamilya asin mga padangat sa buhay.
