LEGAZPI CITY – Nakatalaan sa aga an ikokundusir na training workshop kan Department of Tourism Bicol Bicol para sa nagkapirang LGUs sa rehiyon ngani na maipaaram an development plan sa turismo asin maipaisi an mga istratehiya sa pagpapadakol kan turismo sa saindang lugar.
Segun ki Fhe Buela, Supervising Tourism Planning Division officer kan nasambitan na ahensya, an development plan an sarong importanteng paagi ngani na magin ‘orderly’ asin rational an sarong banwaan.
Kinakaipuhan suboot na maiheras kan ahensya an pagtatao nin tamang giya ngani na maaraman an tamang programa asin proyekto ngani na maabot an vision para sa development kan lokalidad.
Dugang pa kan opisyal na kaibanan sa ikokundusir na workshop an mga reprisentantes hali sa municipal tourism, municipal planning officers, municipal environment and natural resources, municipal agricultural office, asin disaster risk reduction office na imbwelto sa pagpaplano asin pagtatao nin inputs na makakatabang sa pag-uswag kan ekonomiya kan nasyon.
