LEGAZPI CITY – Nasukol na kan mga otoridad an duwang suspek sa panghahabas sa nagkapirang gamit kan Department of Tourism (DOT) Bicol sa Brgy. Rawis, sa ciudad kan Legazpi.
Kan Hulyo 16, nilaog kan 14-anyos na menor de edad an edificio kan regional office kun sain nilalay an nagkapirang grills asin grass cutter na pigtutubudang ipapabakal sa junkshop.
Sa intrevista kan Bombo Radyo Legazpi ki DOT Bicol Director Benjamin Santiago, klarado man suboot an kuwa kan closed circuit television camera sa lugar mantang makapirang beses man na sinita kan on-duty na guard an duwa antes na mangyari an insidente.
Naibalik man an kinuang grills kan mga suspek alagad nagpromesa an ina kan mga ini na riribayan na sana an nawarang gamit.
Isasairarom man an mga ini sa counseling sa Department of Social Welfare and Development (DSWD).
Afuera sa mga nasabing gamit, wara man suboot ibang valuables na nakua.
