LEGAZPI CITY – Pignumbrahan kan Department of Science and Technology (DOST) an 34 Bicolanong estudyante sa elementarya asin sekondarya na nangagana sa international science and mathematics competitions para sa taong 2016-2017.
Itinao sa mga estudyante ni DOST Director Tomas B. Briñas an “Youth Excellence in Science (YES)” awards na sarong institutional award kan ahensya na nagpahiling nin exemplary achievement sa lado kan siyensya asin matematika.
Segun ki Dr. Pilita Lucena, DOST-Bicol public information officer, nakaguno an mga gifted students sa Bicol nin apat na platinum, 6 gold, 6 silver, asin 18 bronze medals sa science and math competitions.
Nakua an apat na onra sa grade school levels sa 12th International Mathematics Competition–Singapore; 2016 China Primary Math Olympiad or CPMO; 2016 International Mathematics Wizard Challenge or IMWiC; and 2016 Wizards asin Mathematics International Competitions or WIZMIC.
An 30 iba pang onra an naguno kan high school studente sa 12th International Mathematics Competition–Singapore; 2016 CPMO; Young Inventors’ Challenge; asin 2016 IMWiC.
Ipigkokondusir kada taon an nasabing aktibidad ngane na mas ma-motivate asin ma-inspire an mga joveng Pinoy na maging mas matrayumpo sa lado kan siyensya asin matematika.
