LEGAZPI CITY—Nagpaluwas nin Mayon Volcano lahar advisory an DOST Philippine Institute of Volcanology and Seismology (DOST-PHIVOLCS) makalihis an naeeksperyensyahang pag-uuran dara kan shear line sa probinsya kan Albay.
Segun ki Mayon Observatory OIC Deborah Fernandez, sa intrevista kan Bombo Radyo Legazpi, nagpaluwas sinda nin advisory kun saen saindang pigpapaingat an mga lugar na harani sa river channels siring kan Miisi, Binaan, Anoling, Quirangay, Maninila, Masarawag, Muladbucad, Nasisi, Mabinit, Matan-ag, Buyuan, Basud, asin Bulawan.
Naobserbaran man suboot an steam flow o bulos nin tubig na may kaibang dugi sa nagkapirang river channels.
Mientrastanto, abiso man kaini sa mga komunidad na harani sa river channels na magin vigilant siring man an pagpaotob kan mga lokal na gobyerno nin pre-emptive response para sa kaligtasan kan mga namamanwaan.
 issued a Mayon Volcano lahar advisory following the heavy rains caused by the shear line in Albay province.){kind=link}