Nakigkig an mga nakahiling sa pagbagsak kan sarong eroplano sa eropuerto kan Aktau, Kazakhstan.
Sarong Azerbaijan Airlines plane na nag-o-operate nin flight J2-8243 gikan sa Baku pasiring Grozny an buminagsak via emergency landing.
Igwa ining 67 na sakay, kasabay an 62 na pasahero asin limang crew members.
Susog sa inisyal na report, an pagbagsak kawsa kan pagbangga sa mga bayong o bird strike.
Huli kan mahibog na hamog sa Grozny airport, an eroplano enot na na-redirect sa Makhachkala asin pagkatapos sa Aktau.
Sa oras kan emergency landing, dae nakaresibi nin clearance an crew para lumapag sa Grozny.
An mga pasahero gikan sa manlaen-laen na nasyon kun saen 37 an gikan sa Azerbaijan, 16 sa Russia, 6 gikan sa Kazakhstan, asin 3 an gikan sa Kyrgyzstan.
Nagpahayag na nin pakidumamay an airline company sa mga pamilya kan mga biktima asin sienerto na itatao an gabos na kinakaipuhang suporta.
Mientrastanto, padagos an imbestigasyon sa tunay na dahilan kan pagbagsak kan eroplano.
