LEGAZPI CITY – Nagtetenir na “not passable” an tinampong nagkokonekta sa Donsol asin Pilar sa provincia kan Sorsogon nin huli sa pagbabahang dara kan shearline
Segun kay Donsol Municipal Disaster Risk Reduction and Management Office head Bryan Garido sa intrevista kan Bombo Radyo Legazpi na duman suboot natipon an mga tubig baha asin dae pa nagsusubside hasta sa ngunyan.
Pig-abisuhan na ninda an mga byahero asin motorista na maghanap nin alternatibong ruta nganing makalaog asin makaluwas sa Donsol nin huli ta bako advisable para sa mga light vehicle
Dae kinaya kan munisipalidad an medium o dakol kan ibinagsak na uran kun kaya binaha an nagkapirang parte kan saindang lugar.
Pigtaram pa kan opisyal na nakadugang man suboot sa pagbabaha an pagigin catch basin kan Donsol nin huli ta sainda an bagsakan kan mga tubig na gikan sa mga nagkapirang parte kan Albay asin Sorsogon.
Sa ibong kan pagbabaha, ipigpasalamat man kaini na warang nairehistrong nalugadan sa saindang mga nasasakupan.
Piglalaoman na magsubside o mahupa an baha kun magpapadagos pa an maray na kamugtakan kan panahon ngunyan hasta sa mga masunod na aldaw.
Pangapodan ni Garido sa saindang mga nasasakupan na mag-ingat an gabos partikular na sa mga nasa landslide prone area, low lying area asin permihang imonitor an sitwasyon.
