Pormal nang nanumpa bilang ika-47 presidente kan Estados Unidos si Donald Trump.
Pinangenotan ni Chief Justice John Roberts an panunumpa ni Trump sa laog kan Capitol Rotunda.
Afuera sa Abraham Lincoln bible para sa panunumpa ginamit ni Trump an saiyang personal na bibliya.
An nasambit na bibliya iyo an ginamit niya sa enot na termino niya bilang presidente kan 2017.
Makalihis an panunumpa nagpapaputok nin canyon an US Military bilang tradisyon sa saindang pagpupugay.
Iginibo sa laog kan Capitol Rotunda an panunumpa huli sa labi an lipot kan panahon sa luwas.
Huring isinagibo an indoor na panunumpa kan panahon ni dating US President Ronald Reagan kan 1981.
Bago an panunumpa ni Trump, nanumpa man an saiyang bise presidente na si JD Vance na pinangenotan ni Supreme Court Justice Brett Kavanaugh.
Nag-atendir sa nasambit na panunumpa an mga napiling mabilog kan saiyang gabinete siring man an mga dating presidente kan Estados Unidos asin saindang mga agom.
