Tiwala an Department of Labor and Employment (DOLE) na mananaig an ley asin maipapaotob man giraray an P85 na arawang umento sa minimum wage sa Metro Manila, sa ibong kan temporary restraining order (TRO) na iniluwas kan korte.
Segun ki Labor Secretary Francis Tolentino, nagtutubod siyang bibistohon kan korte an probisyon ng 1987 Constitution na nagtatao nin bilog na proteksyon sa mga obrero.
Magigiromdomang nagluwas an Pasig Regional Trial Court nin TRO kan Hulyo 30 katakod kan petisyon kan duwang construction company na kumukuwestiyon sa Wage Order No. 27 ng Regional Tripartite Wages and Productivity Board.
Sa irarom kan wage order, nakatakdang ipaotob an P85 na dagdag-sahod para sa minimum wage earners sa pribadong sektor sa Metro Manila kun saen pigbanga ini sa duwang quarter. P60 na nagpuon kan Hulyo 25, asin P25 na ipapaotob sa masunod na petsa.
Nilinaw man ni Tolentino na dapat bayadan kan mga employer ang mga wage increase na naipon na kan mga obrero bago pa man magkabisa ang TRO.
Sienerto kan DOLE na padagos nindang poprotektahan ang mga manggagawa.
Nakatalaang dinggin kan korte an kaso ngunyan na Lunes, Agosto 3.
