LEGAZPI CITY- Mahigot nang ipinagbabawal an pagkakaag kan mga qualifications na nag-eengganyar nin diskriminasyon sa edad kan mga mawot mag-apply sa trabaho.
Ini an pigtatawanang-duon kan Republic Act 10911 o an “Anti-Age Discrimination in Employment Act” makalihis na mapirmahan kan Pebrero 2 ni Labor Secretary Silvestre Bello III asin magin in effect kan nakaaging Pebrero 18.
Sa intrevista kan Bombo Radyo ki Raymond Escalante kan Department of Labor and Employment (DOLE) Bicol, ipig-eksplikar kaini an saklaw kan nasambit na ley kun saen maski sa interview para sa employment ipigbabawal an paghahapot kan edad.
Alagad, bako man suboot absolute an nasabing kasuguan huli naman ta may exemption man giraray ini urog na sa mga skills-related na trabaho kun saen ipigkokonsidera man giraray an ligtas na pagtatrabaho kan mga empleyado.
Sa siring na sitwasyon kinakaipuhan sana na magkua nin permit for exemption hale sa DOLE.
Mientras tanto, magin an pagpapa-anunsyar sa media an bako man lusot sa nasambit na ley huli naman ta pwedesir na mapatawan an publisher kan empleyo nin penalidad na puon P50, 000 hasta P500, 000 sundo sa pagkakakulong en kasong maprobarang mabalgar digdi.
