LEGAZPI CITY – Pighayag kan Department of Labor and Employment (DOLE) na napirmahan na an Memorandum of Agreement para sa mga Special program employment for students (SPES) na naglaog kan nakalihis na taon.
Katakod kaini, segun ki Raymond Escalante, tagapagtaram kan DOLE Bicol, napuunan na kan Lunes an pagbabariwas kan mga stipend kan mga estudyante na nag summer job alagad liwat suboot ining naulang huli sa diit na technical problems.
Pag-eksplikar ni Escalante na bago pa sana an system na saindang ginibo kaya dae naantisiparan an mga glitches kaya naghagad ini nin dispensa sa mga estudyante na dae pa nakaka resibe kan saindang sweldo.
Payo kaini sa mga naghahalat na estudyante na halatom muna an saindang reference number antes na magpasiring sa money changer ngani na dae masayang an saindang oras.
Mientrastanto, sinierto man kan opisyal na nagsasagibo na ngunyan nin bagong measures an ahensya ngani na maasikaso na an mga stipend kan mga benipisyaryo asin padagos na makapagserbi an DOLE sa publiko.
