LEGAZPI CITY – Nagpagirumdom an Department of Labor and Employment Bicol (DOLE) sa mga employer na itao an 20 pesos na salary increase sa mga trabahante.
Segun ki Dole Bicol Regional Director Imelda Gatinao sa intrevista kan Bombo Radyo Legazpi na ipinaotob na kasuhapon an enot na tranche kan taas sahod sa rehiyon bikol.
Madudugangan nin 20 pesos an aldawang sahod kan mga trabahante sa enterong kabikulan para sa enot na tranche kun sain magigin 415 pesos ini asin madudugangan giraray pag sapit kan disyembre kan presenteng taon.
Ini suboot an nagin bunga kan mga serye nin mga konsultasyon asin pag-oolay na ginibo kan board na kinababalehan kan manlain-laing sektor para sa mahigot na pag-aadal mapadapit sa dagdag sahod.
Pigtaram pa kan opisyal na kadakol na mga kondisyon an kinonsidera huli ta may kaakibat an dagdag sahod nin pagtaas sa mga kontribusyon sa Philhealth, Pag-ibig, SSS, asin an posibilidad na mas malobo pa an inflation.
Sa mga Small and Medium Enterprises (SMEs) man suboot an pigtatawan ninda nin training mapadapit sa kun pano itataas an level kan saindang productivity ninda nganing magtaas an saindang production na magigin dalan man sa halangkaw na ganansya kan saindang negosyo.
Pigtatawan an mga employers nin 20 days nganing makapag-comply sa dagdag sahod kan saindang mga trabahante.
Pangapodan ni Gatinao sa mga negosyante asin employer na itao na sa saindang mga trabahante an dugang na 20 pesos sa saindang aldawang sahod huli ta kaipuhan ninda yan maski sadit sana an nasabing kantidad nganing makasabay man sinda maski papano sa naglalangkawan na mga barakalon.
 reminded employers to give 20 pesos salary increase to workers.){kind=link}