LEGAZPI CITY – Naghahalat pa nin opisyal na direktiba hali sa central office kan Department of Labor and Employment (DOLE) an mga regional office dapit sa 13th month pay.
Ini makalihis na sabihon ni Labor Secretary Silvestre Bello III sa sarong pahayag na ipigkokonsiderar an opsyon na tugutan an mga “distressed companies” na mag-defer o ioktaba muna an pay-out kan 13th-month bonus sa mga obrero.
Sa intrevista kan Bombo Radyo Legazpi ki DOLE Bicol Regional Director Joel Gonzales, dai pang specific details dapit digdi alagad en caso maresibe na, tulos man na ipupublicar.
Nasa ley man an pagbabayad kan 13th month mientras na may rason man para sa lakdang huli sa pandemic alagad dai pa pwedeng maka-assume sa ngunian.
Anuman an magin kongkretong kasimbagan susog ki Gonzales, kaipuhan na balansehon an kapasidad kan kumpanya asin establisyemento.
Pigklaro man ni Gonzales na an deferment an dai nangangahulugan na dai na itatao an 13th month pay alagad ire-release sana ini kun may kapasidad na an employer.
