LEGAZPI CITY- Halat-halaton na muna ngonian an second batch kan ibabariwas na livelihood assistance hale sa Department of Labor and Employment (DOLE) para sa mga paraoma asin parasira.
Sa intrevista kan Bombo Radyo Legazpi ki DOLE Bicol spokesperson Raymond Escalante, ipig-eksplikar kaini na ida-download na an pondo para sa mga natatadang benepisyaryo alagad nakadepende an pagdugang kan natatadang asistensya sa isusumiter na paglikida kan mga city o municipal agriculturists kan mga nakakasakop na lugar.
Sa ibong kaini, klinaripikar man kan opisyal na dae man napundo an asistensya kun saen makakaresibe nin tig-P20,000 na kantidad nin gamit an kada beneficiary mientras na an mga agriculturist an maaydentipikar sa mga ini.
Ipigpapaubaya naman kan ahensya an pagcheck kan rekisitos para sa maaakomodir na resipiente kan tabang. V
Magigirumduman na kan nakaaging taon kan enot na ibariwas an first batch kan nasabing asistensya sa nasa 3,000 beneficiaries sa ciudad kan Legazpi kun saen nasa P7 million an itinagamang pondo.
