Pinahimutikan kan Department of Justice na saindang isusunod na ipapadeport pabalik kan nacion an dating presidential spokesperson na si Atty. Harry Roque.
Kasunod ini kan matrayumpong pagkakadakop kay dating Congressman Arnolfo ‘Arnie’ Teves Jr. kan nakalihis na semana.
Segun mismo ini sa tagapagtaram kan Department of Justice asin presenteng Justice Assistant Secretary na si Mico Clavano kan siya mahapot kan Bombo Radyo Philippines mapadapit digdi.
Kun saen saiyang pigtawan linaw na warang pagkakasunod-sunod o mga nakalinyadang indibidwal na mahahampang sa deportation kasunod kan mga pangyayari.
Gabos subot kan may mga pigkakahampang na kasong kriminal na nasa luwas kan nacion an saindang pigbubukod nin sabay sabay nin warang pig-eenot sa mga puganteng ipigpapahanap kan mga korte sa Pilipinas.
Kun kaya paliwanag pa ni Justice Assistant Secretary Mico Clavano na an kagawaran an mahigot na nagtutubod na dapat sana kaining buludon an gabos na mga may kaso na pirit pigtatakasan o piglilikayan an mga ini hale sa nacion.
Kun kaya kahagadan niya suboot na madakop na nin sabay-sabay an mga ‘fugitives’ na nag-ali asin nagluwas nin Pilipinas nganing takasan an mga dapat kahampangon na kaso sa nacion.
Magigirumdumang kan nakaagi na napa-deport na sa nacion an dating kongresista na si Arnolfo ‘Arnie’ Teves Jr. hale sa Timor-Leste na ngonian kapot asin nasa kustodiya na kan gobierno.
Mantang an dating presidential spokesperson man ni Former President Rodrigo Roa Duterte na si Atty. Harry Roque an presente pa mang wara sa Pilipinas.
Sa presente kaya an naciong The Hague Netherlands pa ini para sa saiyang aplikasyon nin asylum huli sa suboot political persecution na na-eksperyensyahan sa Pilipinas.
Alagad siringman an wara pa mang hatol o resolusyon an gobyerno kan The Hague Netherlands kun aprubado an inapply kaining asylum sa nasabing nacion.
