Pigsierto kan Department of Justice na padagos an pagligid kan imbestigasyon kan departamento dapit sa mga pendienteng kaso may kinaaraman sa mga anomalous flood control projects.
Ini an pahayag ni Justice Sec. Fredderick Vida sa publiko sa ibong kan problemang pigkakahampang kan nasyon na krisis sa gasolina.
Pigkakahandalan kaya kan nagkapira na puedesir matakluban kan isyu nin pagpapanimbag sa gabos na imbuelto sa korapsion sa isyu nin paglangkaw kan presyo kan mga produktong petrolyo.
Kun kaya makaka-syerto suboot na dae mapundo an saindang imbestigasyon asin aksyon nganing mairefer an mga kaso sa Office of the Ombudsman.
Sa ibong kaini, aminado an nasabing kalihim na sa ibong kan bagay na pwedesir ining isangat o ibalik sa Tanod-Bayan, wara pa man liwat nin kasegurohan kun isasangat ini kan Ombudsman sa magkakanigong korte bilang sarong kaso.
Igwa suboot ini nin sadiring patakaran sa pag-aproba kan mga rekomendasyon o referral na saindang isusumiter sa opisina makalihis na ma-assign na magkondusir nin preliminary investigation.
