Ipigpapaubaya na kan Department of Justice sa Office of the Ombudsman an an pagsusunad nin kaso kontra ki Senator Joel Villanueva.
Segun ki Justice Secretary Fredderick Vida, nasa tanod-bayan na an direksyon kun dagos na kakasuhan an nasabing senador.
Kasunod ini kan pahayag ni Ombudsman Jesus Crispin ‘Boying’ Remulla na ipigsasairarom sa panibagong ‘preliminary investigation’ an kaso ni Senator Joel na may kinaaraman sa pagkakaimbwelto kaini sa anomalya kan flood control projects.
Segun ki Ombudsman Remulla, nakukulangan suboot sinda sa ipigsasagibong ‘case buildup’ kan Department of Justice kaya liwat na nagsagibo nin imbestigasyon para sa posibleng kaso na isusunad sa Sandiganbayan.
Sa ibong kaini, sinabi ni DOJ Sec. Fredderick Vida na padagos an saindang koordinasyon asin pakikipagtabangan sa Office of the Ombudsman sa ibong kan pagkakabasura kan saindang rekomendasyon.
